Tidlegare helse- og omsorgsminister Ingvild Kjerkol la fredag 1. mars 2024 fram Nasjonal helse- og samhandlingsplan 2024–2027, ein plan som lanserar fleire verkemiddel for kortare ventetider og ei felles helseteneste. Planen omhandlar heile helse- og omsorgstenesta.

På lik linje med Nasjonalt forskningssenter innen komplementær og alternativ medisin (NAFKAM), meiner NNH at registerforskrifta må endrast og utvidast med blant anna krav om medisinsk kunnskap – og skjerping av krava til terapeutorganisasjonane i høve minimumstal til medlemsomfang, etiske reglar, krav om journalføring mv.

- Den største risikoen ved bruk av  helsetenester utanfor det offentlege helsevesenet, er truleg at utøvarane utan tilstrekkeleg medisinsk kunnskap kan oversjå eller feiltolka symptom, og slik bidra til å forsinka adekvat behandling, seier John Petter Lindeland, styreleiar i NNH. Vi meiner også at ved ei endring og utviding av registerforskrifa, må mva-fritak gjeninnførast som ein viktig motivasjonsfaktor i høve både rettar og plikter.

- I NNH sitt høyringssvar til helse- og samhandlingsplanen er det lagt vekt på at eit utøvarregister utan offentlege fagkrav og mva-fritak, vil svekka pasienttryggleiken. Dette må Stortinget ta ansvar for.

Planen skal no til behandling i Helse- og omsorgskomiteen før ny behandling i Stortinget. Det blir spennande korleis Stortinget og regjeringa svarer på alle innspela som har kome.