Allmenn naturterapi

Dei ulike naturmedisinske terapiformene kan vere svært ulike i si praktiske utøving, men verknadsmekanismane vil vere dei same. Forklaringsmodellane dei byggjer på er samansett av ulike omgrep, avgjerande ut ifrå kva kultur dei har oppstått i og kva for ein teknikk/reiskapar som blir nytta. Saman vil dei komplettera kvarandre, og med det danna forståingsmodellar som vil kunne ha positiv innverknad på den praktiske utøvinga av dei einskilde terapiformene.

Fleire utdanningar innan naturmedisin er i dag retta mot å gje kompetanse i sambruk/samhandling av ulike naturmedisinske terapiformer/diagnoseverktøy. Undervisninga i terapifaga/diagnoseverktøy og teoretisk grunnlag dannar ein logisk og faglig heilskap slik at kandidaten blir i stand til å velja individuelle behandlingsstrategiar for den einskilde pasient. Utdanninga i dei ulike terapifaga skal ha eit nivå som ivaretek pasienttryggleiken. Målet for behandlinga er å støtta kroppens sjølvregulerande system ved blant anna å minska ytre og indre belastningar, stimulera til avgiftning og aktivera/regulera immunsystemet. Slik utviklast ein indre homøostase, som gjer organismen i stand til å hela seg sjølv.

Dei ulike naturmedisinske systema/metodar som ein allmenn naturterapeut nyttar seg av, kan variera, men dei mest vanlege er: Tradisjonell kinesisk medisin, kinesiologi, soneterapi, homøopati, antroposofisk medisin, osteopati, kiropraktikk, homotoxikologi, biopati, ernæringsterapi, kostveiledning, , urtemedisin, øyreakupunktur og fleire andre diagnoseverktøy som irisanalyse, mørkefeltmikroskopi, mineral/vitaminanalysar osb.

Kva kan eg venta meg i ein behandlingssituasjon med allmenn naturterapi?

Fyrste konsultasjon hjå ein allmenn naturterapeut, er ei kartleggjing av pasientens helsetiltand/symptom og journalføring av desse. Basert på pasienten sitt samla symptombilete og resultatet av ulike diagnosemetodar, blir det tilrettelagt eit individuelt behandlingsopplegg. Det vil også vera fokus på årsaksforhold, både av fysisk og psykisk karakter.

Ved kroniske plager vil den fyrste konsultasjonen vanlegvis vera omfattande og ofte vara eit stad mellom éin og to timar. Ved akutte plager er konsultasjonane mindre omfattande, fordi sjukdomsbiletet som regel er tydelegare og mindre samansett.

Lengda på behandlinga vil vera individuelle og kan avhenga av fleire faktorar: karakteren til sjukdomen, kor lenge han har vart, alderen til pasienten m.m. Einskilde ynskjer også å nytta eit behandlingsopplegg som ledd i førebyggjande tiltak, og då gjerne i eit lengre tidsperspektiv.

Fagkrav til allmenn naturterapeut MNNH

Grunnmedisin : 300 undervisningstimar (eller tilsvarande 30 stp.)

VEKS-fag: 50 undervisningstimar (tilpassa totalt studieomfang)

Naturmedisinsk grunnutdanning/diagnostikk/terapifag: 600 undervisningstimar ( minimum 1/3 skal vera praksis)
Sum: 950 undervisningstimar

Eigenstudietimar: 750 x 1,1 825 timar

Totalt studieomfang: 1 775 timar

Antallet timer med egne studier er vurdert ut fra at de fleste naturmedisinske studier er deltidsstudier og må egenfinansieres. Dette betyr for de fleste studenter at fulltids- eller deltidsarbeid skjer ved siden av studiene.

Generelt om NNH-terapeuters behandlingstilbud

Ein godkjent NNH-terapeut er pålagt i si marknadsføring spesielt å nemna den eller dei terapiformene vedkomande har godkjenning i, slik at pasientar kan være trygge på å få kvalifisert behandling i dei terapiformene som blir nytta - uansett om dette er ein eller fleire. Når det gjeld tilleggsterapiformer som blir nemnt og som NNH ikkje har godkjenning for, har terapeuten ansvar for nødvendig og forsvarleg kompetanse. Dette er også stadfesta i ansvarsforsikringa som kvar einskild terapeut har.

Dei ulike faggruppene eller sentralstyret/landsmøtet i NNH har hovudansvaret for å fastsetja utdanningsnivå i dei ulike faga. Omsynet til at dei fleste integrerar fleire terapifag i sin praksis, har gjort at NNH satsar på å kvalitetssikra solide grunnutdanningar tilpassa ein naturterapeutisk praksis og med gode føresetnadar for vidare spesialisering - jfr. dei ulike fagkrava under terapibeskrivelsane.

Fagkrava i dei allmenndannande faga er i dag på minimum 300 undervisningstimar eller tilsvarande 30 studiepoeng i høgskulesystemet for grunnmedisinske fag (anatomi, fysiologi, patologi osb.), 50 undervisingstimar i Generelle fag (etikk, kommunikasjon osv.) og 110 timar i Naturmedisinsk grunnutdanning.

Hovudmålet med desse allmenndannande faga er å utdanna terapeutar med ein høg etisk standard, gjera dei i stand til å kommunisera med andre fagprofesjonar og utvikla ei kritisk tenking til både seg sjølv, sitt eige fag, etablerte sanningar og nyare forsking/kunnskap. Vidare å skapa ei forståing for hovudprinsippa innan ulike klassiske naturmedisinske system for dermed å tydeleggjera den naturterapeutiske identiteten og komplettera forståinga og utøvinga av dei ulike terapiformene.

NNH har vedtektsfesta etiske regler som medlemma er forplikta til å fylgja.

Organisasjonen har også eit klageorgan/etisk råd som pasientar kan bruka om dei meiner seg feilbehandla i forhold til nemnde regelverk. Terapeutmedlem pliktar å ha oppslag om dette på venterom/kontor.

allmenn naturterapi naturterapi